Khele Aisi Holi

Ankhiyon se chalayein, pyar ki Goli

Rangon mein lipat, aayi phir Holi;

Goriyan machalein, ban chand-chakori

Aashqon ne bhi sajayi, apni-apni Toli.

Yeh haseen mauka hai, ijhar ka

Yaar se milein, aur karein thitholi;

Mohabbat ki gagri mein, saja rang

Doob kar Gori sang, banein humjoli.

Rang ka tyohar hai, pyar hi pyar hai

Bhula gile-shikwe, bolein mithi boli;

Rang ke tarang mein, geet hum gayein

Aaj sabki bhar jaye, pyar se khali jholi.

Uthiye rang lekar, kiska intzar hai

Gale mil jhoomiye, mitr ho ya saheli;

Chahton ke rang mein, bhinge tan-man

Baras bhar na bulein, khelein aisi Holi.